साप्ताहिक उद्याचा शिलेदार कविंच्या दुनियेत चला आमच्यासोबत वाचा आजच्या चारोळ्या

 चारोळ्या 

जिंकायचे आहे तर-

आधी लढायला शिका !

हरण्याचे मात्र कधी -

भयच बाळगू नका !

जे जे होते सारे दिले -

हाती काही न उरले !

खेळ ऊन-सावलीचा -

कधी कळूही न आले !

आयुष्यभर जिंकून -

आज कसा कां हरलो ?

कुणाचा कुटील डाव-

हराया निमित्त झालो !

तुझंसुध्दा बरोबर -

माझंसुध्दा बरोबर !

पण चुकतंय कुठं -

कां कळेना खरोखर ?

अमृताच्या झाडालाही -

आज विषाची कां फळें ?

म्हणून हल्लीच्या जगी -

हेच कां पहाया मिळे ?

जगी इथे प्रत्येकांची -

एक औरच कहाणी !

काहींची रसभरीत -

काहींची दर्दिली गाणी !

@ कवी - सूर्यांबिका,सोलापूर

( सूर्यकांत ना. कामून )

मो.नं. 07620540722