साप्ताहिक उद्याचा शिलेदार कविंच्या दुनियेत चला आमच्यासोबत वाचा आजच्या चारोळ्या

@ रंगपंचमी @

रंगात रंगूनपण -

नाही कधीच रंगलो !

रक्तरंगाचे खेळच -

जगी मी पाहू लागलो !

रंगात खेळतो कोण -

रंगात रंगतो कोण ?

रंगात रंगून आज -

रंगात नाचतो कोण?

रंगच बेरंग होता -

रंग रक्तरंग झाला !

रंगात कुणी खेळेना -

रक्ताचाच रंग केला !

आजची रंगपंचमी 

नव्हे दंगलपंचमी !

राग-द्वेष , मत्सरांनी

बेधुंद आज पंचमी -

पंचमी म्हणू कसली -

रंगच दिसेना जिथे ?

रंगाच्या ठायी दिसते -

खुनाखुनी जिथेतिथे !

@ कवी - सूर्यांबिका ,सोलापूर

( सूर्यकांत ना .कामून )

मो .नं . ०७६२०५४०७२२