वर्षाखेर निरोप
जन्माला आले
किती वर्ष लोटली
मित्रासवे मिसळले
हिच ती गती वाढली ||
असे तसे भेटले
जीवन घडविले
कोणी हे मढविले
सुखदुःखात वाढले ||
याच या सावलीत
निखा-यात वाचले
कधी एकांतात
भूमातेने सावरले ||
अथांग विचारांनी
या मैफलीत राहोनी
संसार व्यापानी
आनंदमय जाहले ||
वर्ष ही लोटतील
आहे जगी उरतील
सकर्माने घडतील
दसदिशा झळकतील ||
वर्ष येतील जातील
आहे बदल घडतील
माणूस माणसातील
युगानुयुगे राहतील ||
हा निरोप वर्षांचा
आधी समजविण्याचा
जीवंतपणी साचा
समृद्ध भाषकांचा ||
मराठी भाषा तेवढी
वाढवा मांदियाळी
महाराष्ट्रा एवढी
जगी गाजवा परमळी ||
नमस्कार सर्वांना
कृपावंत दयावंत
मेहरबान सदना
आशिर्वाद बुद्धीमंत ||
मो 9967394281
डॉ खं र माळवे-खरमा
Post a Comment
0 Comments