साप्ताहिक उद्याचा शिलेदार कविंच्या दुनियेत चला आमच्यासोबत वाचा आजच्या चारोळ्या

 चारोळ्या 

वाचायचे झाले तर -

लोकांचे चेहरे वाचा !

प्रत्येक चेह-यावर -

दिसेल ऋग्वेदी वेचा !

स्वतःच्याच जगण्यात -

आपली हवी जिगर 

जगाला कळेल मग -

आपण किती माहीर !

आपल्यातच नसेल -

आपले - आपलेपण !

आपले म्हणून मग -

कां स्वीकारावेत ' पण ' ?

सध्याच्या घाईगर्दीत -

स्वतःला शोधत गेलो !

स्वतःला शोधत जाता -

स्वतःच मी हरवलो !

बोलता सर्वांना येतं -

कुणी बोलतच नाही ?

सगळेच गप्प कसे -

कारण कळत नाही !

@ कवी - सूर्यांबिका,सोलापूर

( सूर्यकांत ना .कामून )

मो .नं . 07620540722