साप्ताहिक उद्याचा शिलेदार कविंच्या दुनियेत चला आमच्यासोबत वाचा आजच्या चारोळ्या

 चारोळ्या 

आपलं भाकित काय ?

आपणा ठाव नसतं !

आपल्या वागण्यावर -

भाकित ठरू पाहतं !

परस्पराची सावली -

आज वाटते नकोशी !

आपलेपणाच नाही -

सामावून घेऊ कशी ?

आज कोण कुठे आहे -

कुणा एकाही कळेना !

सांगती मजेत मात्र -

मजेत किती कळेना !

जिंदगीच्या प्रवासात -

बरेच काही भेटले !

सोबतीचे सोबतच -

पाठीचे मात्र डसले !

एवढीशी साधी आग -

कधी कधी मोठी होते !

कधी जिथल्या तिथेच -

जागीच विझून जाते !

आयुष्यभर सोबत -

कुणी कां देत असतो ?

खांदा देणारा माणूस -

अधीमधी बदलतो !

@ कवी - सूर्यांबिका , सोलापूर

( सूर्यकांत ना .कामून )

मो .नं .07620540722