साप्ताहिक उद्याचा शिलेदार कविंच्या दुनियेत चला आमच्यासोबत वाचा आजच्या चारोळ्या

 चारोळ्या 

जिथे मी मोती वेचली 

तिथे उचलतो माती !

काळवेळ बदलता -

धुपाटणे आले हाती !

वेळ कुणासाठी पण -

कधीच थांबत नाही !

आडवं येईल त्याला -

आडवं करीत जाई !

कालचे रात्रीचे सारे

आज कसे उजेडात ?

आजच्या दिवसातले -

सारे कसे अंधारात ?

गोड माणसे भेटली 

पण गोड ना आयुष्य !

जग गोड म्हणायला -

करू तरी कसे भाष्य ?

स्वप्नात दिसते तशी -

सत्यात कां न दिसेना ?

सत्यात तुला पाहता -

स्वप्न सत्य कां होईना ?

वचन देऊनी मला -

असे कसे फसविले ?

आज वचन न देता -

अशी कां जवळ आले ?

@ कवी - सूर्यांबिका , सोलापूर

( सूर्यकांत ना .कामून )

मो.नं. ०७६२०५४०७२२