साप्ताहिक उद्याचा शिलेदार कविंच्या दुनियेत चला आमच्यासोबत वाचा आजच्या चारोळ्या

 चारोळ्या 

कुंभमेळ्याच्या स्नानाला -

पापीच लाखों जातात !

निष्कंलक लोक मात्र -

घरी स्नान करतात !

पाप करावं कशाला ?

गंगेत न्हावं कशाला ?

गंगेत स्नान केल्यानं -

पाप जाई कां कुठला ?

संत गेले , पंत गेले 

गंगास्नानपण केले !

गंगेत पाप धुवून -

पाप कराया मोकळे !

मनच नाही निर्मळ

गंगेत स्नान कशाला ?

मन आधी शुध्द ठेवा -

शांती लाभेल मनाला ?

गंगास्नान केले तरी - 

आपण होतो कां स्वच्छ ?

जरा स्वतःला विचारा - 

मनाने किती गलिच्छ ?

गंगा इतकी पवित्र 

आपणच पापी केलं !

पापींनी पाप धुवून 

गंगा अपवित्र केलं !

मनच नाही निर्मळ

काय करील साबण ?

तुका म्हंटल्याप्रमाणे -

जगी रे निष्पाप कोण ?

@ कवी - सूर्यांबिका,सोलापूर

( सूर्यकांत ना . कामून )

मो .नं . ०७६२०५४०७२२