कवी सुमेध सोनवणे लिखित काव्य रचना "गुरू"

 गुरु

(अष्टाक्षरी रचना)

जगामध्ये सांगा कोणी

झाला आहे ऐसा ज्ञानी

गुरुविना ज्याची कीर्ती

दाही दिशा शुद्ध वाणी ||१||

गुरु नव्हे फक्त काया

असे सम्यक विचार

कसे जगावे जीवन

कसे असावे आचार ||२||

गुरु मार्ग देई ज्ञान

मनी सदा असो जाण

पाप पुण्य कर्म जैसे

फळं चाखे थोर सान ||३||

गुरु असे माय बाप

गुरु असे मार्गदाता

दूर होती साऱ्या व्यथा

देई बळ होई त्राता ||४||

गुरु पथा चाले सदा

तोची जाणे सत्य शोध

मिळे सारे कष्टातून

दोन घास घ्यावा बोध ||५||

सुमेध वंदना मधुकर सोनावणे.

    9967162063

*आषाढ पौर्णिमा तथा गुरु पौर्णिमेच्या मंगलमय सदिच्छा!*

🙏🙏🙏🌷🌷🌷