साप्ताहिक उद्याचा शिलेदार कविंच्या दुनियेत चला आमच्यासोबत आजच्या चारोळ्या

चारोळ्या

सुखास काय रे कमी ?

तरी तो कमावू पाहतो

दुःख बिचारा आपला

आहे त्यात भागवतो

सुखाचं काय सांगता ?

आपल्याच जगी चूर

दुःखाचं जीणं सांगतं

माणूस जन्माचं सार

जे आपल्याला दिसतं

ते कधी खरं नसतं

खरं सत्य तेच आहे -

सदा लपविलं जातं

चुकत चुकतच ना -

माणूस शिकत जातो

असा माणूस आहे कां-

न शिकता पुढे जातो ?

शिक्षितच सुशिक्षित -

असं कां म्हणावं कुणी ?

अशिक्षित वाटे कधी -

शिक्षिताहूनही गुणी

कवी - सूर्यांबिका , सोलापूर

( सूर्यकांत ना. कामून ) 

मो.नं.07620540722