कवी सुरेश शिर्के लिखित काव्य रचना "गंध ओल्या प्रीतीचा"

 गंध ओल्या प्रीतीचा

धुंद धुंद पावसात

चिंब चिंब अंग ओले

प्रीत अशी हि फुलली

गंध तिचा हा दरवळे----१

टपोरे थेंब सारे सुंदर

वाटे मोत्यासम पांढरे

ओले केस मानेवरील

मुखचंद्रकोराला पांघरे----२

अंग चोरत ते चालणे

प्रियकरासोबत हळूवार

स्पर्श शहारे अंग अंग

वारा झोंबे गार गार-----३

मदनाचा खेळ चालला

वाटे कामदेव-रतीचा

कळी कळी फुलून पसरे

गंध ओल्या प्रीतीचा-----४

सुरेश शिर्के

खारघर,पनवेल